შოკოლადის მაფინები

ეს ძალიან მარტივი შოკოლადის ნამცხვარი ყველაზე ჭირვეულ ბავშვებსაც კი უყვარს. სწრაფად და ადვილად მზადდება და მშვენიერია საუზმისთვისაც და სკოლის ლანჩისთვისაც.

დაგვჭირდება:

100 გ კარაქი

150 გ შაქარი

200 გ შავი შოკოლადი

2 კვერცხი

1 კვერცხის გული

200 მლ დაბალი ცხიმიანობის ნაღები

200-250 გ ფქვილი

2 ს.კ. კაკაო

მწიკვი მარილი

1 ჩ.კ. სოდა ან გამფხვიერებელი

1 ს.კ. ლიმონის წვენი

ვანილი

შოკოლადი და კარაქი ერთად გავალღვოთ ორთქლზე ან მიკროტალღურ ღუმელში, დავუმატოთ შაქარი, მარილი, კარგად ავთქვიფოთ და რომ შეგრილდება, დავუმატოთ კვერცხი. ეს მასაც ავთვიფოთ, დავუმატოთ ნაღები.

ცალკე ავურიოთ ფქვილი, კაკაო, ლიმონის წვენში გახსნილი გამაფხვიერებელი, ვანილი. ამ მასაში ჩავასხათ კვერცხის მასა და მოვურიოთ ფრთხილად.

გადავიტანოთ ცომი მაფინების ფორმებში ისე, რომ ბოლომდე არ შევავსოთ და გამოვაცხოთ 200 გრადუსამდე გახურებულ ღუმელში დაახლოებით 20 წუთი.

გემრიელად მიირთვით!