საქონლის ხორცი წითელი ღვინის და სოკოს სოუსში

ეს არის კერძი, რომელიც ამ წვიმიანი დღესაც თქვენს ვახშამს დღესასწაულად აქცევს! მით უმეტეს, თუ თითო ჭიქა წითელ ღვინოსაც მიატანთ! დაგვჭირდება: 1 კგ რბილი საქონლის ხორცი (ხბოც არაჩვეულებრივი იქნება) 3 თავი ხახვი 250 გრ შამპინიონი 4 ს.კ. ფქვილი 100 გრ კარაქი 2 ს.კ. ზეითუნის ზეთი 200 მლ მშრალი წითელი ღვინო 150 მლ ბულიონი (ან წყალი) 1 ღერი ნედლი ბეგქონდარა ან ერთი მწიკვი ხმელი

მარილი, შავი წიწაკა

ხორცი ცოტა დავბეგვოთ და დავჭრათ წვრილ ნაჭრებად. მოვაყაროთ 2 ს.კ. ფქვილი და კარაგდ ავურიოთ. სქელძირიან ტაფას მოვასხათ ზეითუნის ზეთი, დავდოთ კარაქი და შევწვათ ხორცი პატარა პორციებად. შემწვარი ხორცი გადავდოთ ცალკე ჯამში. იგივე ტაფაზე დავდოთ წვრილად დაჭრილი ხახვი და ვთუშოთ 2-3 წუთი. დავუმატოთ სოკო (შევეცადოთ წვრილი შამპინიონი შევარჩიოთ და მათ აღარ დავჭროთ, ტელ-მთელებს გამოვიყენებთ). სოკოსთან ერთად ხახვი კიდე 2-3 წუთი ვხრაკოთ. შემდეგ დავუმატოთ ბულიონი და ღვინო, მარილი, წიწაკა. კარგად მოვურიოთ, მივიყვანოთ ადუღებამდე და დავუმატოთ ხორცი. ცეცხლს დავუწიოთ მინიმუმამდე, დავამატოთ ბეგქონდარა, დავაფაროთ თავსახური და ვთუშოთ დაახლოებით 45 წუთი-1 საათი(დამოკიდებულია ხორცზე). ცალკე პატარა ჯამში გავხნათ 2 ს.კ. ფქვილი ცოტა წყალში და დავუმატოთ ჩვენ ხორცს. ვხარშოთ კიდე დაახლოებით 10 წუთი, სანამ სოუსი ცოტა არ გასქელდება და გამოვრთოთ ცეცხლი. ამ კერძს გარნირად ძალიან მოუხდება კარტოფილის პიურე. გემრიელად მიირთვით!