ყაბახის და კარტოფილის ოლადები პიტნით

დაგვჭირდება: 3 ცალი ყაბახი 2 კარტოფილი 200 გრ ყველი ფეტა 1 კვერცხი 25 გრ კარაქი 1 ს.კ. ფქვილი პატარა კონა მწვანე ხახვი პატარა კონა პიტნა ზეითუნის ზეთი მარილი, წიწაკა ყაბახი გავხეხოთ მსხვილად, მოვაყაროთ მარილი და დავტოვოთ დაახლოებით 1 საათით. გამოიყოფს სითხეს და გადავწუროთ, გავავლოთ ცივი წყალი და კიდე კარგად გადავწუროთ. კარტოფილი მოვხარშოთ, შემდეგ ისიც გავხეხოთ მსხვილად, მოვაყაროთ მარილი, წიწაკა. დავუმატოთ ყაბახი, წვრილად დაჭრილი ხახვი, პიტნა, გახეხილი ყველი, კვერცხი, მოვაყაროთ ფქვილი და კარგად მოვურიოთ. ტაფა გავახუროთ, მოვასხათ ზეთი, დავამატოთ კარაქი და შევწვათ ოლადები ორივე მხრიდან.

მიირთვით არაჟანთან ერთად!