ანდალუსიური გასპაჩო

ამასობაში დათბა! ნელ-ნელა ცივი სუპების სეზონის მოდის. დღეს ყველაზე ცნობილ ცივ სუპს- გასპაჩოს მოვამზადებთ.

ამ ანდალუსიურმა ცივმა წვნიანმა უკვე დიდი ხანია საერთაშორისო აღიარება მოიპოვა და ესპანეთის საზღვრებს გარეთაც ხშირად გვხვდება მენიუში. მას ამაზადებენ უმი ბოსტნეულისგან, რომელსაც ხელით ან ბლენდერის საშუალებით პიურედ აქცევენ და შემდეგ ზეითუნის ზეთით, ლიმონის წვენით და სხვადასხვა სპეციებით აკეთილშობილებენ. სანელებლებში გამორჩეული ადგილი ცხარე სოუს-ტაბასკოს უკავია.

ჩვენ დღეს კლასიკური ანდალუსიური გასპაჩოს მოვამზადოთ.

დაგვჭირდება:

1 კგ მწიფე რბილი პომიდორი

1 ცალი კიტრი

2ცალი ბულგარული წიწაკა (შეგიძლიათ წითელიც და მწვანეც გამოიყენოთ)

1 პატარა თავი წითელი ხახვი

2 კბილი ნიორი

2 ს.კ. ღვინის ძმარი ან ლიმნის წვენი (შეგიძლიათ ორივე ერთად გამოიყენოთ)

ტაბასკო- გემოვნებით(რამოდენიმე წვეთი)

2 ს.კ. ესპანური ზეითუნის ზეთი

შაქარი (დაახლოებით 0,5 ჩ.კ.), მარილი-გემოვნებით

პომიდორი გავრეცხოთ, გავაცალოთ კანი. ამისთვის კანზე გავუკეთოთ პატარა ჯვარედინა ჭრილი და ჩავდოთ მდუღარე წყალში 1-2 წუთით. კანგაცლილ პომიდორს ამოვაცალოთ თესლი და დავჭრათ მსხვილად.

კიტრს გავაცალოთ კანი და ისიც დავჭრათ. გავჭყლიტოთ ნიორი.

ეს ბოსტნეული დავაბლენდეროთ ბულგარულ წიწაკასთან და ხახვთან ერთად. ცოტა ბულგარულის და ხახვის კუბიკები შემოვინახოთ მოსართავად.

ტომატის მასა შევაზავოთ მარილით, შაქრით, ლიმნის წვენით და ძმრით. დავუმატოთ ტობასკო.

შეგვიძლია ეს მასა გავხეხოთ წვრილ სახეხში, ასე უფრო ნაზი კონსისტენციის სუპი გამოგვივა, მაგრამ აუცილებელი არ არის.

ბოლოს დავუმატოთ ზეითუნის ზეთი და შევდოთ ჩვენი გასპაჩო მაცივარში მინიმუმ 2 საათით.

გამზადებული გასპაჩო შეგვიძლია დავასხათ ფიალებში ან ჭიქებში. მე უკანასკნელი ვარიანტი უფრო მომწონს. ჩავყაროთ ყველა პორციაში ცოტა ყინული, მოვრთოთ დარჩენილი წიწაკის და ხახვის კუბიკებით, მოვასხათ კიდე ცოტა ზეითუნის ზეთი და აუცილებლად მივატანოთ კრუტონები.

გემროელად მიირთვით!