Kir Royal
- Manana
- 29 мая 2015 г.
- 1 мин. чтения
ეს ფრანგული კოკტეილი პირველად ჩემს მეგობართან გავსინჯე.
ნინოსთან სტუმრობა ყოველთვის ძალიან მიყვარდა. მასთან ორ ჩემ ძირითად მოთხოვნილებას ვიკმაყოფილბ ხოლმე. პირველი-ნინო ინტელექტუალია და ძალიან საინტერესო მოსაუბრე. ამ საუბრების შედეგად უამრავი აღმოჩენა გამიკეთებია-ახალი მწერლები, განსხვავებლი ხედვა, საინტერესო ისტორიები ცნობილ და უცნობ ფაქტებზე...
და მორე - ნინო გურმანია და პრაქტიკულად ყოველ ჯერზე რამე ახალ, საინტერესო სასმელს, კრძს ან დესერტს გვთავაზობს ხოლმე.
ასე მოხდა იმ დღესაც. ნინომ გაგვასინჯა ეს შესანიშვანი კოკტეილი და თან მისი შექმნის ისტორიაც გვიამბო.
კირ (Kir)- ბურგუნდიაში შექმნილი კოკტეილია. მის შემადგენლობაში შედის თეთრი მშრალი ღვინო და შავი მოცხარის ლიქიორი Crème de cassis. მე მისი ვარიაცია- კირ როიალი (Kir Royal) უფრო მომწონს. ამ შემთხვევაში თეთრი ღვინის მაგივრად შამპანურია გამოყენებული.
უფრო მაგარი სასმელების მოყვარულთათვის არსეობს კიდე ერთი ვარიაცია- Korn Kir, სადაც ღვინის ნაცვლად ბრენდი ან არაყია გამოყენებული.
კოკტეილი ფრანგული წინააღმდეგობის გმირის, ფელიქს კირის სახელ ატარებს.
ფელიქს კირი ომის შემდეგ ქალაქ დიჟოის მერი იყო. სწორედ ამ ქალაქში ამზადებენ მოცხარის ლიქიორს. ომის დროს გერმანელებლა ბურგუნდიული წითელი ღვინის მთელი მარაგი გაიტანეს ქალაქიდან. ამიტომ ფელიქს კირი ქალაქის ყველა სტუმარს მოცხარის ლიქიორით დამტკბარი თეთრი ღვინით უმასპინძლდებოდა. ამით მან კოკტეილის პოპულარიზაციას ძლიერ შეუწყო ხელი.
საფრანგეთში კირს ვახშმის წინ, აპერეტივის სახით მიირთმევენ. ჩემს სტუმრებს ვახშმის წინაც მოსწონთ მისი მირთმევა და ვახშმის შემდეგაც :)
კირ როიალის მოსამზადებლად დაგვჭირდება:
120 მლ შამპანური (ცქრიალა ღვინო)
20 მლ შავი მოცხარის ლიქიორი Crème de cassis (ასევე, შეგიძლიათ გამოიყენოთ Chambord ან გრენადინი Grenadine)
კოკტეილის ჭიქაში ჩავასხათ ლიქიორი და დავუმატოთ ცივი შამპანური.
გემრიელად მიირთვით!
