ყვავილოვანი კომბოსტოს ომლეტი

​დღეს კლასიკური საუზმე- ომლეტი მოვამზადოთ. განსხვავებული ინგრედიენტი ჩვენს საუზმეში ყვავილოვანი კომბოსტო იქნება. ყვავილოვანი კომბოსტოს ძალიან კარგად ეხამება კვერცხი და ყველი. ხოლო ჩვენი საიდუმლო ინგრედიენტი ამ ჯერზე იქნება მუსკატი.

დაგვჭირდება:

5-6კვერცხი

2 ს.კ. ნაღები

300 გრ ყვავილოვანი კომბოსტო

20-30 გრ კარაქი

1 კბილი ნიორი

100 გრ ფეტა( შეგიძლიათ სხვა ყველიც გამოიყენოთ, თუნდაც იმერული)

რამოდენიმე ღერი წვრილად დაჭრილი ოხარხუში

მარილი, შავი წიწაკა

დანის წვერზე-მუსკატი

კვერცხი გავთქვიოთ ნაღებთან, მარილთან, წიწაკასთან და მუსკატთან ერთად.

ტაფაზე კარაქში შევბრაწოთ დაჭრილი ყვავილოვანი კომბოსტო, დავამატოთ გაჭყლეტილი ნიორი, შემდეგ მოვასხათ კვერცხი. მოვამზადოთ დაბალ ცეცხლზე რამოდენიმე წუთი, პერიოდულად ავწიოთ ომლეტის გვერდები, კარგად რომ შეიწვას ყველა მხრიდან.

ბოლოს მოვაყაროთ ყველი და ოხრახუში, დავაფაროთ ტაფას თავსახური და გამოვრთოთ ქურა. გავაჩეროთ ასე 2-3 წუთი და გავანაწლიოთ თეფშებზე.

გემრიელად მიირთვით!