ატმის ნამცხვარი

სანამ არომატული ატამი მოილევა, ჩვენ კიდე ერთი ნამცხვრის გამოხობას მოვასწრებთ. თუმცა, ზამთარში ამ საქმისთვის ატმის კომპოტიც გამოდგება.

დაგვჭირდება:

200 გ კარაქი

1,5 ჭ. შაქარი

3 კვერცხი

3 ს.კ. არაჟანი

ვანილი

სოდა ძმრით

2 ჭ. ფქვილი

500 გ ატამი

შაქრის პუდრა

კარგად გავთქვიფოთ დარბილებული კარაქი და შაქარი, დავიმატოთ კვერცხი, არაჟანი, ვანილი, შემდეგ სოდა ძმრით და ბოლოს ფქვილი.

ატამი დავჭრათ მომცრო ნაჭრებად.

საცხობ ფორმაში ჩავაფინოთ საცხობი ქაღალდი, შემდეგ ჩავასხათ ცომი, დავალაგოთ ზევიდან ლამაზად ატამი და გამოვაცხოთ 180 გრადუსამდე გახურებულ ღუმელში დაახლოებით 45 წუთი.

გაგრილებულ ნამცხვარს მოვაყაროთ შაქრის პუდრა.

გემრიელად მიირთვით!