გამომცხვარი ვაშლი ნაყინის ქუდით

დღეს საღამოს ძალიან გემრიელი და სასარგებლო დესერტი გვექნება. გამოვაცხობთ ვაშლს და შიგთავსისთის გამოვიყენებთ პროდუქტს, რომელიც განსაკუთრებით სასარგებლო ბავშვეისთვის და იმ უფროსებისთვისაა, ვისაც დაბალი წნევა ან დაბალი ჰემოგლობინი აქვს.

დაგვჭირდება:

4 ვაშლი

2 ჩ.კ. თაფლი

100 გ დაჭრილი ნიგოზი (ან ნებისმიერი სხვა თხილეული, რომელიც გიყვართ)

3 ს.კ. ქიშმიში

1 ჩ.კ. დარიჩინი

დანის წვერზე-მუსკატი

1 ს.კ. ლიმნის წვენი

1 ს.კ. კარაქი

4 ს.კ. წყალი

ვანილი ნაყინი

ვაშლი კარგად გავრეცხოთ, ამოვიღოთ გული და ჩავდოთ ცეცხლგამძლე ჭურჭელში. იქვე ჩავასხათ წყალი-ასე ვაშლი არ მიგვეწვება.

კარგად გარეცხილი ქიშმიში, ნიგოზი, თაფლი, დარიჩინი, მუსკატი- კარგად ავურიოთ და გამოვტენოთ ვაშლი. ზევიდან დავადოთ პატარ-პატარა კარაქის ნაჭერი და მოვასხათ ლიმნის წვენი.

ფორმას დავაფაროთ თავსახური და შევდოთ 180-190 გრადუსამდე გახურებულ ღუმელში დაახლოებით 20-25 წუთით.

გამომცხვარ ვაშლს დავადოთ ვანილის ნაყინი.

გემრიელად მიირთვით!