გერმანული ჩიზქეიქი-Käsekuchen
- Manana
- 13 нояб. 2015 г.
- 1 мин. чтения
გერმანიაში, შვარცვალდის კურორტზე თუ მოხვდებით, აუცილებლად გასინჯეთ იქაური ქეზექუხენი. სრულად არაჩვეულებრივი, გემრიელი და მსუბუქი ნამცხვარი, ხრატუნა ძირით და ჰაეროვანი ხაჭოს შიგთავსით, რომელის მომზადებასაც დღეს ჩვენც ვეცდებით.
ძირისთვის დაგვჭირდება:
1 კვერცხი
100 გ შაქრის პუდრა
125 გ კარაქი
250 გ ფქვილი
0,5 ჩ.კ. სოდა ძმრით
შიგთავსისთვის დაგვჭირდება:
250 მლ მაღალცხიმიანი ნაღები
700 გ მსუბუქი, ახალი ხაჭო (კვარკი) (შეგიძიათ კრემჩიზი გამოიყენნოთ, ან გაატარეთ ხაჭო საცერში, მარცვლოვანი სტრუქტურა რომ არ ჰქონდეს)
125 გ შაქრის პუდრა
5 კვერცხი
40 გ სახამებელი
ვანილი
1 ლიმნის ცედრა (არაა აუცილებელი, მაგრამ მე ძალიან მიყვარს)
ცივი კარაქი ავკეპოთ ფქვილთან ერთად, დავუმატოთ შაქრის პუდრა, სოდა ძმრით და კვერცხი. მოვზილოთ ცომი. თუ ძლაიან მკვრივია, 1 ს.კ. ცივი წყალი შეგიძიათ დაუმატოთ.
ცომი დავაგორგოლოთ და შევდოთ მაცივარში 30-40 წუთით.
შემდეგ გავაბრტყელთ და ჩავდოთ ფორმაში ისე, რომ ძორიც დაფაროს და გვერდებიც.
დავჩხვლიტოთ ჩანგლით ფსკერი, ცომი თანაბრად რომ ამოვიდეს და შევდოთ 180 გრადუსამდე გახურებულ ღუმელში დაახლოებით 10-15 წუთით.
ამასობაში, მოვამზადოთ შიგთავსი: კვერცხის გულები კარგად ავთქვიფოთ შაქართანერთად, დავუმატოთ ვანილი, ლიმნის ცედრა, შემდეგ ხაჭო, სახამებელი და ნაღები.
ცალკე კარგად ავთქვიფოთ კვერცხის ცილა და შევუროთ ხაჭოს მასას. ფრთხილად მოვურიოთ.
გამომაცხვარ ძირს დავასხათ ხაჭოს მასა და შევდოთ 180 გრადუსამდე გახურებულ ღუმელში დაახლოებით 1 საათით.
გამომაცხვარი ნამცხვარი ფორმაშივე გავაგრილოთ და მხოლოდ ამის შემდეგ გადმოვიღოთ.
მორთეთ შაქრის პუდრით, მოამზადეთ ფინჯანი კავა და გემრიელად მიირთვით!
