ბეკონში გამომცხვარი ქათმის ფილე

საკმაოდ მარტივი, და ამავე დროს, განსხვავებული კერძი, რომელიც განსაკუთრებით ბავშებს მოსწონთ.

დაგვჭირდება:

500 გ ქათმის ფილე

100-150 გ ბეკონი

100 გ გახეხილი მყარი ყველი (პარმეზანი, გრანა პადანო, შებოლილი სულგუნი...)

2 ჩ.კ.ჟონის მდოგვი

2 ჩ.კ. ზეითუნის ზეთი

2 კვერცხი

მარილი

შავი წიწაკა

მოვამზადოთ მარინადი: ზეითუნის ზეთი, კვერცხი, მდოგვი, მარილი და წიწაკა კარგად ავურიოთ ერთად.

ფილე დავჭრათ საშუალო ნაჭრებად, ცოტა დავბეგვოთ და ჩავდოთ ჩვენ მარინადში. გავაჩეროთ ასე 20-30 წუთი.

მოვაყაროთ თითოეულ ნაჭერს გახეხილი ყველი და შევახვიოთ რულეტივით. შემდეგ ეს რულეტები გავახვიოთ ბეკონის ფირფიტებში.

მოვათავსოთ ჩვენი რულეტები საცხობ ფორმაზე და შევდოთ 180 გრადუსამდე გახურებულ ღუმელში 15-20 წუთით.

შებრაწული რულეტებს შეგიძლიათ მოაყაროთ წვრილად დაჭრილი ოხრახუში. ქათმის რულეტებს მოუხდება ნებისმიერი გარნირი (ბრინჯი, კარტოფილი, ბოსტნეული), ასევე, სხვადასხვა სოუსები.