ლობიოს და ოსპის სალათი ჩერი პომიდორით

სასარგებლო და ნოყიერი ზამთრის სალათი, რომელის მოზადებაც ძალიან ადვილია.

დაგვჭირდება:

250 გ თეთრი ლობიო

250 გ წითელი ლობიო

250 გ ყავისფერი, შავი ან ფრანგული ოსპი

1 კგ ჩერი პომიდორი

პატარა კონა ოხრახუში

2-3 კბილი ნიორი

1 პატარა თავი წითელი ხახვი

მარილი, შავი წიწაკა

2 ს.კ. ვაშლის ძმარი

3-4 ს.კ. ზეითუნის ზეთი

ლობიო და ოსპი მოვხარშოთ, გადავწუროთ და მოვათავსოთ ერთად ჯამში. დავუმატოთ დაჭყლეტილი ნიორი, წვრილად დაჭრილი ხახვი, მწვანილი. პომიდორი ჩერი გავჭრათ ორად და ისიც დავუმატოთ ჩვენ სალათს. მოვაყაროთ მარილი და წიწაკა, მოვასხათ ზეთი და ძარი და კარგად მოვურიოთ.

გემრიელად მიირთვით!