გამოყვანილი ორაგულის და ავოკადოს სალათი

დღეს ვახშამზე სრულიად არაჩვეულებრივ, ძალიან გემრიელ და მსუბუქ სალათს გთავაზობთ. რაც მთავარია, ზუსტად 10 წუთში მოამზადებთ.

დაგვჭრდება:

200 გ გამოყვანილი ორაგული (ან რომელიმე სხვა კეთილშბილი თევზი)

1 კონა რუკოლა (შეგიძლიათ დაამატოთ ან შეცვალოთ ნებისმიერი სალათების მიქსით)

1 მოზრდილი ავოკადო

1 ს.კ. თაფლი

1 ს.კ. დიჟონის მდოგვი

1 ლიმნის წვენი

5-6 ს.კ. ზეითუნის ზეთი

მარილი

შავი წიწაკა

ავოკადო გავჭრათ შუაზე, ამოვაცალოთ კურკა, მოვაშოროთ კანი და დავჭრათ თხელ ნაჭრებად. მოვასხათ ლიმნის წვენი (3-4 ს.კ. გადავინახოთ დრესინგისთის), რომ არ გამუქდეს. დავუმატოთ თხელ ნაჭრებად დაჭრილი თევზი და რუკოლა.

კარგად ავთქვიფოთ მდოგვი და თაფლი, დავუმატოთ დარჩენილი ლიმნის წვენი, ნელ-ნელა-ზეითუნის ზეთი. კარგად ავთქვიფოთ ეს ყველაფერი. დრესინგი რომ გასქელდება, დავუმატოთ მარილი და წიწაკა.

მოასხათ დრესინგი სალათს და გემრიელად მიირთვით!