ბადრიჯანი სუნელებით და ბროწეულით

სანამ ბადრიჯნის სეზონი ჯერკიდე გვაქვს, ეს მარტივი და გემრიელი რეცეპტიც მინდა შემოგთავაზოთ.

დაგვჭირდება:

1 კგ ბადრიჯანი

1 თავი ხახვი

3 კბილი ნიორი

1 ჩ.კ. უცხო სუნელი

1 ჩ.კ. ზაფრანა

0,5 ჩ.კ. ხმელი ქინძი

1 ბროწეული

1 ცხარე მწვანე წიწაკა

მარილი

ზეთი

ბადრიჯანი გავრეცხოთ და დავჭრათ რგოლებად. მოვაყაროთ მარილი, გავაჩეროთ ერთი 30-40 წუთი, შემდეგ გავწუროთ და შევწვათ ორივე მხრიდან ზეთში.

ერთად ავურიოთ დაჭყლეტილი ნიორი, სუნელები, წიწაკა და წვრილად დაჭრილი ხახვი. დავუმატოთ მარილი, ბროწეული და შევაზავოთ ბადრიჯანი.

გემრიელად მიირთვით!