ტომ იამ კუნგ - ტაილანდური ცხარე სუპი კრევეტებით

ტაილანდური სამზარეულოს ერთ-ერთი მთავარი კერძი, რომელსაც მსოფლიო გასტრონომიაში საპატიო ადგილი აქვს დამკვიდრებული, ნამდვილად ერთ-ერთი საუკეთესო წვნიანია, რომელშც ცხარე, ტკბილი და მჟავე გემოები არჩვეულებრივადაა შერწყმული.

დღეს ჩვენ მოვამზადებთ ამ წვნიანის ჩვენებურ ვერსიას ქართული ბაზრის შესაძლებლობების გათვალისწინებით.

დაგვჭირდება:

500 გ სამეფო კრევეტი

200 გ შამპინიონი

3-4 პომიდორი ჩერი

1 ლ ქათმის ბულიონი

3-4 ღერი ლემონგრასი

1 ჩ.კ. გალანგა- ყვითელი ჯინჯერი

1 წიწაკა ჩილი

1 ჩ.კ. პასტა ტომ იამ (ტაილანდური პასტა, რომელის შემდგენლობაშიც შედის გალანგა, ლემონგრასი და ჩილი)

2 ლაიმი

3-4 კაფირ-ლაიმის ფოთოლი

150 გ ბრინჯის ლაფშა ან, თუ ვერ იშოვით, ჩვეულებრივი სპაგეტი

პატარა კონა ქინძი

მარილი

თხლად დავჭრათ ლემონგრასი, გალანგა და მოვათავსოთ სქელძირიან ქვაბში. დავასხათ ქათმის ბულიონი, აქვე ჩავდოთ ლაიმის ფოთლები. 2 წუთში დავამატოთ დაჭრილი სოკო, ჩილის პასტა და ვხარშოთ დაახლოებით 5 წუთი.

ამის შემდეგ, დავამატოთ გასუფთავებული კრევეტები, წვრილად დაჭრილი წიწაკა ჩილი, მარილი და ლაიმის წვენი.

ბრინჟის ლაფშა ჩავალბთ მდუღარე წყალშ 1-2 წუთით და დავუმატოთ ადუღებულ ბულიონს. ვხარშოთ მანამდე, სანამ კრევეტები არ გაწითლდება.

მირთმევის წინ, სუპში ჩავდოთ წვრილად დაჭრილი ქინძი და ლაიმის ნაჭრები. სიხასხასისთვის შეგვიძლია ბულგარლი წიწაკაც დავუმატოთ.

გემრიელად მიირთვით!