გამომცხვარი ისპანახი პომიდვრით და თოხლო კვერცხით

დღესაც ვაგრძელებთ მსუბუქი, დიეტური კერძების სერიას და საუზმესაც ასეთს გთავაზობთ. მიუხედავად იმისა, რომ ნოყიერი და გემრიელია, თამამად შეგიძლიათ მიირთვათ მაშინაც, როცა დიეტას იცავთ.

დაგვჭირდება:

300-400 გ ისპანახი

4 კვერცხი

2-3 პომიდორი

2 კბილი ნიორი

წიწაკა, მარილი-გემოვნებით

1 ს.კ. ზეითუნის ზეთი

ისპანახს გადავავლოთ მდუღრე წყალი და გადავწუროთ.

ცეცხლგანძლე ფორმებს მოვუსვათ ზეთი და გავანაწილოთ ისპანახი.

პომიდორი დავჭრათ, შევურიოტ დაჭყლეტილი ნიორი, მარილი, წიწაკა და გავანაწილოთ ისპანახზე, ზევიდან კი დავახალოთ კვერცხი.

გამოვაცხოთ 180 გრადუსამდე გახურებულ ღუმელში 15-20 წუთი.

თუ დიეტას არ იცავთ, მოამზადეთ ტოსტები. ხრაშუნა პური ძალიან მოუხდება ჩვენ საუზმეს.

გემრიელად მიირთვით!