პასკა ქიშმიშით და ალუბლის ჩირით

დღვანდელი პასკისთვის ორნაირ ქიშმიშს-მუქს და თეთრს და ალუბლის ჩირს გამოვიყენებთ. თან ამ ჩირებს წინასწარ ჯადოსნურ სიროპში ჩავალბობთ და საოცრად არომატულ, გემრიელ პასკას გამოვაცხობთ.

დაგვჭრდება:

700-750 გ ფქვილი

3 კვერცხი

150 მლ რძე

3 ჩ.კ. საფუარი

250გ შაქარი

ვანილი

100 გ კარაქი

1 ფორთოხლის ცედრა

0,5 ჩ.კ. მარილი

100 გ შავი ქიშმიში

100 გ თეთრი ქიშმიში

100 გ ალუბლის ჩირი

სიროპისთის:

2 ლიმონი

1 ფორთოხლის წვენი

100 გ შაქარი

ვანილი

0,5ჩ.კ.კარდამონი

0,5 ჩ.კ.დარიჩინი

0,5 ჩ.კ. მიხაკი

5 მარცვალი სურნელოვანი წიწაკა

მოვამზადოთ სიროპი: 2 ლიმნის წვენი და შაქარი შევურიოთ ერთმანეტშ, დავუმატოთ სანელებლები და მივიყვანოთ ადუღებამდე. ვადუღოთ 15 წუთი და დავუმატოთ ფორთოხლის წვენი. ვადუღოთ კიდე 3-5 წუთი, შემდეგ კი ჩავდოთ ამ სიროპში ჩირები. გავაჩეროთ რამოდენიმე საათი ან მთელი ღამე. შემდეგ გადავწუროთ და ამოვავლოთ ფქვილში.

თბილი რძე, საფუარი, 2 ს.კ. შაქარი და 4 ს.კ. ფქვილი ავურიოთ. დავტოვოთ 30-40 წუთით.

ავთქვიფოთ ცალკე კვერცხი, შაქარი, ვანილი, ცედრა, დავუმატოთ ამოფუებული მასა, კარაქი, და დანარჩენი ფქვილი. კარგად მოვზილოთ და დავუმატოთ ჩირები. მოვზილოთ. გადავაფაროთ პლასტიკი და დავტოვოთ 3-4 საათით ამოსაფუებლად.

ამის შემდეგ, კიდე ამოვზილოთ, გადავიტანოთ ფორმებში და დავტოვოთ კიდე 2-3 საათით. შემდეგ გადავუსვათ პასკებს კვერცხის გული და გამოვაცხოთ 180 გრადუსამდე გახურებულ ღუმელში 45-60 წუთი.

გემრიელად მიირთვით!