თაფლში გამომცხვარი ღორის ნეკნები-Pečená vepřová žebírka v medu

ვეპროვა ზებირკა- ერთ- ერთი ყველაზე პოპულარული და გემრიელი ჩეხური კერძია. არავითარ შემთხვევაში არ დატოვოთ ჩეხეთი ისე, რომ ერთხელ მაინც არ გასინჯოთ ეს არაჩვეულებრივი ნეკნები. მაგრამ თუ ახლო მომავალში ჩეხეთის სტუმრობას არ გეგმავთ, შეგიძლიათ სახლშიც მოამზადოთ, დაპატიჟოთ თქვენი მეგობრები ლუდზე და გემრიელი საღამო გაატოაროთ მათთან ერთად.

დაგვჭირდება:

1 კგ ღორის ნეკნები

150 მლ მუქი ლუდი

2 ს.კ. თაფლი

2 ს.კ. მდოგვი

2 ს.კ. კეტჩუპი ტკბილი ან ცხარე-თქვენი გემოვნებით

1 ს.კ. ლიმნის წვენი

3 კბილი ნიორი

1 ჩ.კ. გახეხილი ჯინჯერი

მარილი

შავი წიწაკა

სეზამის მარცვლები

ერთად მოვათავსოთ თაფლი, მდოგვი, კეტჩუპი, მარილი, წიწაკა, გაჭყლეტილი ნიორი და ჯინჯერი. კარგად მოვურიოთ, დავუმატოთ ლიმნის წვენი და ლუდი. კიდე კარგად მოვურიოთ და ჩავაწყოთ ამ მარინადში ღორის ნეკნები. გავჩეროთ მინიმუმ 4 საათი, უმჯობესია- მთელი ღამე ან თუნდაც 24 საათი.

ამის შემდეგ, მოვათავსოთ ნეკნები ღრმა ცეცხლგამძლე ჭრჭელში, გადავაფაროთ ფოლგა და შევდოთ 180 გრადუსამდე გახურებულ ღუმელში 1,5-2 საათით.

ნეკნების მზადყოფნა მარტივი შესამოწმებელია. გამომცხვარი ხორცი მარტივად უნდა შორდებოოდეს ძვალს. შეამოწმეთ და თუ ხორცი არ ცილდება ძვალს, კიდე გააჩერეთ ღუმელში.

გამომცხვარ ნეკნებს მოვაცალოთ ფოლგა, ავუწიოთ ტემპერატურას 200-220 გრადუსამდე და გავაჩეროთ ნეკნები დაახლოებით 5-10 წუთი ამ ტემპერატურაზე. ზედაპირი შეიბრაწება და ხრაშუნა გახდება.

სერვირებისას, ნეკნებს მივიწყოთ მჟავე კომბოსტო, მჟავე კიტრი და წიწაკები. აუცილებლად -მდოგვი. უხდება კარტოფილის გარნირი, შავი პური და რა თქმა უნდა, კარგი ჩეხური ლუდი.

გემრიელად მიირთვით!