გამომცხვარი ღორის ფეხი ჩეხურად

კოლენო -Pecenе veprovе koleno- ალბათ ყველაზე პოპულარული ჩეხური კერძია. ის პრაქტიკულად ყველა რესტორნის მენიუშია.

შესაძლოა თქვენ არასდროს ყოფილხართ ჩეხეთში, მაგრამ თუ ამ კერძს მოამზადებთ, თან თუ კარგ ჩეხურ ლუდსაც მოიმარაგებთ, ნამდვილად იგრძნობთ ჩეხეთის გემოს.

დაგვჭირდება:

მოზრდილი ღორის ფეხი

1,5-2 ლ თეთრი ლუდი

4-5 კბილი ნიორი

10-15 ცალი სურნელოვანი წიწაკა

1 პატარა ჯინჯერის ფესვი

დანის წვერზე მუსკატი

2 ცალი დაფნის ფოთოლი

2 მწვანე ვაშლი

100 გ თაფლი

50 მლსოიოს სოუსი

მარილი

წიწაკების მიქსი

პატარა კონა ნიახური

პატარა კონა ქინძი

პატარა კონა ოხრახუში

ამოირჩიეთ ღორის ფეხის ის ნაწილი, რომელზეც მეტი ხორცია. კარგად გარეცხილი და გასუფთავებულ ღორის ფეხი დავსეროთ და მოვათავსოთ შიგნით თხლად დაჭრილი ნიორი. შემდეგ მოვაყაროთ მარილი და წიწაკა.

ღრმა ჭურჭელში მოვათავსოთ გარეცხილი მწვანილი, ზევიდან დავაყაროთ სურნელოვანი წიწაკა, მუსკატი, დაფნის ფოთოლი. იქვე დავაწყოთ თხლად დაჭრილი ჯინჯერი. ზევიდან მოვათავსოთ ღორის ფეხი, დავალაგოთ გარჩეული ოთხად დაჭრილი ვაშლი და დავასხათ ლუდი. გავაროთ ღორის ფეხი ამ მარინადში მთელი ღამე, შემდეგ კი გადავაბრუნოთ ფეხი და გავაჩეროთ კიდე ერთი 4-5 საათი.

ამის შემდეგ, ხორცი თავის მარინადში წამოვადუღოთ და ვხარშოთ 1 საათი.

შემდეგ ამოვიღოთ ხორცი მარინადიდან, შევაგრილოთ, კარგად გავამშრალოთ და გადავუსვათ თაფლის და სოისო სოუსისგან მომზადებული ნაზავი. გადავაფაროთ ფოლგა და შევდოთ 180 გრადუსამდე გახურებულ ღუმელში 1,5-2 საათით. ბოლო 10 წუთი გამოვაცხოთ ხორცი ფოლგის გარეშე 200-220 გრადუსამდე გახურებულ ღუმელში.

ხორცი გამოდის ნაზი, არომატული და ძალიან გემრიელი.

კოლენო დავდოთ მოზრდილ თეფშზე ან ხის დაფაზე, მივუწყოთ გვერდზე მჟავე კომბსტო, კიტრი, წიწაკები, ასევე კნედლიკები ან შავი პური. არ დაგავიწყდეთ მგიგვი და სხვა სოუსები და, რა თქმა უნდა, ჩეხური ლუდი.

გემრიელად მიირთვით!