მარწყვის სეზონს უჩვეულო, მაგრამ ძალიან საინტერესო, გემრიელი და უმარტივესი წვნიანით გავხსნით. დღეს ვამზადებთ მარწყვის კრემ-სუპს, როემლის მიმართაც გულგრილი ვერ დარჩება ვერც უფროსი და ვერც უმცროსი ასაკის გურმანი. ეს ცივი სუპი ამავდროულად დესერტიც გახლავთ..
მარწყვი, შაქარი, რძე და ნაღები დავაბლენდეროთ პიტნის ფოთლებთან ერთად (2-3 ღერით დაიწყეთ და შემდეგ გემოვნებით დაუმატეთ). შევდოთ ჩვენი სუპი მაცივარში 4-6 საათით.
სანამ წვნიანი გრილდება, მოვამზადოთ ანგელოზების ნამცხვრის კრუტონები, რომლებიც საოცრად მოუხდება ჩვენ სუპს. ამისთვის ბისკვიტი დავჭრათ 1 სმ კუბებად, მოვათვასოთ კარაქიან ტაფაზე და მოვბრაწოთ დაბალ ცეცხლზე ან გამოვაცხოთ 220 გრადუსამდე გახურებულ ღუმელში ერთი 10 წუთის განმავლობაში.
