ცუკინი, ფეტა და პიტნის ტარტი

ცომისთვის დაგვჭირდება:

150 გ კარაქი

1 კვერცხი

2 ჭ. ფქვილი

2-3 ს.კ. ცივი წყალი

1/2 ჩ.კ. მარილი

შიგთავსისთვის:

2-3 ცუკინი

250 გ ფეტა

1 თავი ხახვი

პატარა კონა პიტნა

მარილი

შავი წიწაკა

ზეითუნის ზეთი

250 მლ ნაღები

3 კვერცხი

კარაქი, ფქვილი კარგად ავკეპოთ, დავუმატოთ მარილი, კვერცხი და ცივი წყალი და მოვზილოთ ცომი. გადავაკრათ პლასტიკი და შევდოთ მაცივარშ 1 საათით.

ცუკინი დავჭრათ ძალიან თხლად, მოვბრაწოთ ზეთში, ასევე მოვბრაწოთ ხახვი.

ფეტა დავჭრათ კუბებად.

ცომი გავაბრტყელოთ და ჩავდოთ ერთი მოზრდილი (24-26 სმ დიამეტრის) ტარტის ფორმაში ან პატარა ტარტალეტკების ფორმებში, ფავჩხვლიტოთ ჩანგლით. გავანაწილოთ ცომზე ხახვი, ცუკინი, მოვაყაროთ მარილი და წიწაკა, ზევიდან -ფეტა.

ავთქვიფოთ კვერცხი, დავუმატოთ ნაღები, მარილი, წიწაკა და მოვასხათ ეს მასა ტარტს.

გამოვაცხოთ 180 გრადუსამდე გახურებულ ღუმელში დაახლოებით 35 წუთი.

გამომცხვარ ტარტს მოვაყაროთ პიტნა.

გემრიელად მიირთვით!