ალუბლის მინი ჩიზქეიქი

სანამ ალუბალიჯერ კიდევ არის, კიდე ერთი მინი ჩიზქეიქი მვამზადოთ. მით უმეტეს, მას ცხობა არ სჭირდება.

დაგვჭირდება:

300 გ ორცხობილა (ნებისმიერი, ნეიტრალური გემოს მშრალი ორცხობილა)

100გ კარაქი

500 გ კრემჩიზი

200 გ მაღალცხიმანი ნაღები

130 გ შაქარი

1 ლიმნის ცედრა და წვენი

ვანილი

500 გ ალუბალი

ცალკე- 3 ს.კ. შაქარი

2 ს.კ. ჟელატინი

100 მლ წყალი

ორცხობილა დავფშვნათ და კარგად ავურიოთ კარაქთან ერთად.

ეს მასა გავანაწილოთ პატარა ფორმებში ისე, რომ ფორმის მეოთხედს ფარავდეს და კარგად დავტკეპნოთ. შევდოთ ფორმები მაცივარში.

ალუბალს ამოვაცალოთ კურკები და მოვაყაროთ 3 ს.კ. შაქარი.

ჟელატინი გავხსნათ წყალში. დავდგათ დაბალ ცეცხლზე და გავალღვოთ.

კარგად ავთქვიფოთ კრემჩიზი შაქართან ერთად, დავუმატოთ ნაღები, ვანილი, ლიმნის წვენი და ცედრა, ჟელატინის მასის ნახევარი და ფრთხილად მოვურიოთ.

თანაბრად გადავანაწილოთ ეს მასა გაციებულ ძირზე ისე, რომ ფორმა 2/3 შეივსოს და შევდოთ ისევ მაცივარში დაახლოებით 1 საათით.

ალუბალს შევურიოთ დანარჩენი ჟელატინის მასა და კარაგდ მოვურიოთ, შაქარი რომ გადნეს ბოლომდე.

გამოვიღოთ ფორმები მაცივრიდან, გავანაწილოთ ალუბლის მასა და შევდოთ ისევ მაცივარში მინიმუმ 1-2 საათით.

გემრიელად მიირთვით!