ქათმის კოტლეტები

გემრიელი და მსუბუქი ქათმის კოტლეტები ზაფხულში განსაკუთრებით სასიამოვნოა.

დაგვჭრდება:

1 კგ ქათმის ფილე

1 თავი ხხვი

1 ფრანგული ბატონი (მომცრო ზომის თეთრი ბატონი)

300 მლ საშუალოდ ცხიმიანი ნაღები

50 გ კარაქი

2 კვერცხი

მარილი

წიწაკების მიქსი

საფანელი

ჩავალბოთ ფრანგული ბატონი ნაღებში, შემდეგ კარგად გავწუროთ. ქათმის ფილე გავატაროთ ხახვთან ერთად და შევურიოთ გაწურული ბატონი. დავუმატოთ ფარშს დამდნარი კარაქი და 2 კვერცხი, შემდეგ მარილი და წიწაკები. კარგად მოვურიოთ.

გამოვძერწოთ მრგვალი, ლამაზი კოტლეტები, კარგად ამოვავლოთ საფანელში და შევწვათ კარაქში, სქელძირიან ტაფაზე. ვწვავთ საშუალო ცეცხლზე დაახლოებით 5-5 წუთი ორივე მხრიდან. ამის შემდეგ, შევდოთ კოტლეტები 180 გრადუსამდე გახურებულ ღუმელში კიდე 10 წუთით. (ან შევწვათ თავდახურულ ტაფაზე დაბალ ცეცხლზე 10-15 წუთი ორივე მხრიდან და ამ შემთხვევაში აღარ დაგვჭირდება ღუმელში კოტლეტების გამოცხობა).

გემრიელად მიირთვით!