მაყვლის ნაყინი

ზაფხული ნაყინი გარეშე არ არსებობს. ჰოდა, დღეს ჩვენ შინაურ, ძალიან გემრიელ მაყვლის ნაყინს მოვამზადებთ.

დაგვჭირდება:

250 მლ რძე

250 მლ ნაღები (33%)

4 კვერცხის გული

5 ს.კ. შაქარი

100-150 გ მაყვალი

1 ლიმნის წვენი

ვანილი

რძე ავადუღოთ და გავაგრილოთ. მაყვალი გავატაროთ თხელ საცერში.

მაყვლის მასას დავუმატოთ ლიმონის წვენი, შაქარი და კარგად ავთქვიფოთ.

დავუმატოთ კვერცხის გულები , ავთქვიფოთ, შემდეგ რძე და ვანილი. კარგად მოვურიოთ და დავდგათ ნელ ცეცხლზე. გამუდმებით ვურიოთ და მივიყვანოთ ადუღებამდე. ვადუღოთ დაახლოებით 5 წუთი, შემდეგ კი კარგად გავაცივოთ.

ცივი ნაღები კარგად ავთქვიფოთ და შევურიოთ ცივი მაყვლის მასა.

გადავიტანოთ ეს მასა კონტეინერში და შევდოთ საყინულეში 8-10 საათით. ყინულის კრისტალების დასაშლელად ყოველ ერთ საათში ავთქვიფოთ ხოლმე. ამის შემდეგ გდავიტანოთ ნაყინი ფორმებში და მოვრთოთ მაყვლით.

გემრიელად მიირთვით!