მოცვის ჩიზქეიქი ცხობის გარეშე

ერთ-ერთი ყველაზე სასარგებლო კენკრა- მოცვი ნამცხვრებში და ტორტებში ძალიან გემრიელია. დღეს გამოვაცხოთ მოცვის ჩიზქეიქი.

დაგვჭირდება:

150 გ ნეიტრალური გემოს ორცხობილა

50 გ კარაქი

100 გ შავი შოკოლადი

300 გ მოცვი

8 ს.კ. შაქარი

750 გ კრემჩიზი

200 მლ ნაღები (33%)

ვანილი

2-3 ს.კ. ჟელატინი

1 ლიმნის წვენი

შაქრის პუდრა

ცოტაოდენი პიტნის ფოთლები

ორცხობილა დავაბლენდეროთ. კარაქი და შოკოლადი გავალღვოთ ორთქლზე, შემდეგ შევურიოთ ორცხობილას და ეს მასა კარგად დავტკეპნოთ საცხობი ფორმის ძირზე. შემდეგ შევდოთ ფორმა მაცივარში.

მოცვს მოვაყაროთ შაქარი და დაბალ ცეცხლზე მივიყვანოთ ადუღებამდე. გამოვრთოთ ქურა, კარგად დავსრისოთ ხილი, დავუმატოთ მასას ჟელატინი ვურიოთ, სანამ გადნება. შემდეგ გავატაროთ ეს მასა თხელ საცერში.

კრემჩიზს დავუმატოთ ვანილი და ავთქვიფოთ შეგრილებული მოცვის მასასთან ერთად. ცალკე ავთქვიფოთ ნაღები და შევურით ფრთხილად მოცვის მასას.

მოვასხათ ეს მასა გამაგრებულ ძირს და შევდოთ ჩიზქეიქი ისევ მაცივარში.

დაახლოებით 4-6 საათის შემდეგ, მოვამზადოთ თეთრიმინანქარი ლიმნის წვენისგან და შაქრის პუდრისგან. ამისთვის ლიმნის წვენს ვმატებთ შაქრის პუდრას და კარგად ვურევთ, სანამ არ მივიღებთ მინანქრის კონსისტენციის მასას.

მოვასხათ ლიმნის მინანქარი ჩვენ ჩიზქეიქს, ზევიდან კი მოვრთოთ ცოცხალი მოცვით და პიტნის ფოთლებით.

გემრიელად მიირთვით!