პესტო პიტნით და ნიგვზით

ძალიან გემრიელია პიტნის პესტო. თან ნამდვილ საგაზაფხულო-საზაფხულო განწყობას ქმნის.

დაგვჭირდება: 1,5 ჭიქა პიტნის ფოთლები

0,5 ჭიქა ბაზილიკი

50 გ ნიგოზი

2 კბილი ნიორი

1 ლიმნის ცედრა და წვენი

100 გ ყველი გრანა პადანო (პარმზანი, პეკორინო)

მსხვილი ზღვის მარილი

წიწაკების მიქსი

100 მლ ზეითუნის ზეთი

ნიგოზი ოდნავ მოვხალოთ, გავაგრილოდ.

პიტნა და ბაზილიკი კარგად გავრეცხოთ და გავაშროთ ქაღალდის ხელსახოცებზე.

ერთად დავაბლენდეროთ მწვანილი, ლიმნის ცედრა და წვენი, ნიგოზი, ნიორი, ყველი, მარილი, წიწაკების მიქსი და ზეითუნის ზეთი.

პასტას, სალათების და ბრუსკეტების გარდა საოცრად გემრიელი გამოდის პიტნის პესტოთი შეკმაზული ხბოს ან ბატკნის ხორცი.

გემრიელად მიირთვით!