სალათი შებოლილი ქათმით, ნესვით და ნუშით

ნესვის სეზონიც მოვიდა და ჩვენც, რა თქმა უნდა, ვისარგებლებთ ამით. ნესვი საოცრად ეხამება იტალიურ ლორს, პროშუტოს და ყველს, მოცარელას. ჩვენ უკვე არაერთხელ მოვამზადეთ აპეტაიზერები და სალათები ამ პროდუქტებით. დღეს კი შებოლილ ქათამს და ჰოლანდიურ ყველ გაუდას შევუხამებთ. ვნახოთ რა გამოგვივა.

დაგვჭირდება:

1 შებოლილი ქათმის მკერდი

100 გ ყველი გაუდა (ან სხვა, თქვენი გემოვნებით)

1 პატარა ნესვი

1 კონა პიტნა

1 კონა რუკოლა

2 ს.კ. მოხალული ნუშს ფანტელი

მარილი

წიწაკების მიქსი

2 ს.კ. ზეითუნის ზეთი

1 ს.კ. თეთრი ბალზამიკო

​ქათმის მკერდი დავჭრათ მომცრო ნაჭრებად, ასევე დავჭრათ ნესვი. რუკოლა და პიტნა ავურიოთ ერთად, დავუმატოთ მარილი, წიწაკები, ზეთი და ბალზამიკო, ხელით ავურიოთ. შემდეგ დავუმატოთ ქათამი, ნესვი, კუბებად დაჭრილი გაუდა და და ფრთხილად მოვურიოთ ისევ. ბოლოს მოვაყაროთ ნუში.

გემრიელად მიირთვით!