სუფლე

სუფლე («soufflé»)- ფრანგული წარმოშობის კერძია, რომელიც პირველად XVIII რამდენიმე ფრანგმა მაზრეულმა აღწერა. ესენი იყვნენ ბოველიემ (Beauvilliers), ლუი უდე (Louis Ude’s) და მარი ანტუან კარემი(Marie-Antoine Carême).

სუფლე მზადდება სხვადასხვა ინგრედიენტებთან შერეული კვერცხის გულებისგან და ბეზეს კონსისტენციამდე ათქვეფილი ცილებისგან. სუფლე შეიძლება იყოს ტკბილი დესერტი (შოკოლადის, ხილის და სხვ.) ან ძირითადი კერძი.

რამდენიმე ჩემ ფავორიტ სუფლეს რეცეპტს შემოგთავაზებთ, დღეს კი ფრანგული კლასიკური ყველის სუფლეთი დავიცყოთ.

ანტუან კარემმა დეტალურად აღწერა სუფლეს მომზადების წესი და თან აღნიშნა, რომ მისი მომზადება გამოცდილი მზარეულებისთვისაც კი საკმაოდ პრობლემატურუა, მაგრამ ნუ შეგეშინდებათ, ზუსტად მიყევით ჩვენ რეცეპტურას და ყველაფერი გამოგივათ!

დაგვჭრდება:

2 ჭიქა რძე

100 გ კარაქი

0,5 ჭიქა ფქვილი

2 ს.კ. გაუდა

2 ს.კ. მაასდამი

2 ს.კ. გრუიერი

5 კვერცხი

მარილი

თეთრი წიწაკა

დანის წვერზე მუსკატი

ფქვილი და კარაქი მოვთუშოთ ტაფაზე, თან სულ ვურიოთ, მასა ერთგვაროვანი უნდა იყოს. დავუმატოთ მდუღარე რძე და შევანელოთ მარილით, წიწაკით და მუსკატით. კარგად მოვურიოთ და მივიყვანოთ ადუღებამდე. გადმოვდგათ ცეცხლიდან და დავუმატოთ გახეხილი ყველი, შევთქვიფოთ კვერცხის გულები, შემდეგ კი ფრთხილად გადავურიოთ კარგად ათქვეფილი კვერცხის ცილები.

მაშინვე გადავიტანოთ ცეცხლგამძელე ფორმებში (ფორმებს წნასწარ კარგად წავუსვათ კარაქი და მოვაყაროთ ფქვილი) და შევდოთ 200 გრადუსამდე გახურებულ ღუმელში დაახლეობით 10-12 წუთით. ამ პერიოდში სუფლე კარგად უნდა ამოვიდეს და ზედაპირი რომ გაოქროსფერდება, ის მზადაა.

გემრიელად მიირთვით!