ტომატის სუპი ნუშის ფანტელით

მოვამზადოთ ჯანსაღი, მარტივი და ძლაინ გემრიელი წვნიანი სასრგებლო და მუბუქი ინგრედიენტებით.

დაგვჭირდება:

1 კგ მწიფე პომიდორი

1 თავი ხახვი

2-3 კბილი ნიორი

პატარა კონა ბაზილიკი

600-800 მლ ბოსტბნეულის ბულიონი (ან წყალი)

1 ს.კ. ვაშლის ძმარი

1-2 ს.კ. ზეითუნის ზეთი

100 გ ნუშის ფანტელი

1 ჩ.კ. კურკუმა (ყვითელი კოჭა)

შავი წიწაკა

მარილი

პომიდორი გავფცქვნათ და ამოვაცალოთ თესლი.

ხახვი წვრილად დავჭრათ და მოვთუშოთ ზეთში, დავუმატოთ პომიდორი, ნიორი, წვრილად დაჭრილი ბაზილიკი (1-2 ღერი შემოვინახოთ) და ვთუშოთ დაახლოებით 5 წუთი. დავუმატოთ ნახევარი ნუში, მარილი, კურკუმა და კიდე 1-2წუთი ვთუშოთ. შემდეგ დავაბლენდეროთ, დავუმატოთ ბულიონი, ძმარი და მოვხარშოთ 2-3 წუთი.

გამზადებული წვნიანი გადავიტანოთ ფიალებში და მოვაყაროთ წვრილად დაჭრილი ბაზილიკი, წიწაკა და მოხალული ნუში.

გემრიელად მიირთვით!