ლიმონის მაფინები

დაგვჭირდება:

120 გ კარაქი

200 გ შაქარი

2 კვერცხი

150 მლ რძე

ვანილი

1 ჩ.კ.სოდა

1 ს.კ. ლიმონის წვენი

2 ლიმონის ცედრა

100 გ ნუში

300 გ ფქვილი

დასანამად:

100 მლ ლიმონის წვენი

100 გ შაქრის პუდრა

ნუში ცოტა მოვხალოთ და დავფქვათ. შევურიოთ ფქვილს.

დარბილებული კააქი და შაქარი კარგად ავთქვიფოთ, დავუმატოთ კვერცხი, შემდეგ რძე, ლიმონის ცედრა, ვანილი, ლიმონის წვენში გახსნილი სოდა. ბოლოს შევურიოთ ფქვილი და ნუში. მოვურიოთ კარგად და გადავიტანოთ მაფინების ფორმებში. გამოვაცხოთ 200 გრადუსამდე გახურებულ ღუმელში დაახლოებით 25 წუთი.

შაქრის პუდრას შევურიოთ ლიმონის წვენი, დავდგათ დაბალ ცეცხლზე და ვხარშოთ, სანამ შაქარი არ გადნება.

გამომცხვარი თბილ მაფინებს მოვასხათ ლიმონის სიროპი და შემდეგ გავაგრილოთ.

გემრიელად მიირთვით!