დორადო გრილზე ნივრით, როზმარინით და ლიმონით

დორადო განსაკუთრებით გემრიელია გრილზე შემწვარი. ჰოდა სანამ აგარაკების სეზონი დასრულებულა, ერთხელ ეს გემრიელი და მარტივი რეცეპტიც გამოიყენეთ, შედეგით კმაყოფილები დარჩებით, მერწმუნეთ!

დაგვჭრდება:

2 დორადო

4 ს.კ. ზეითუნის ზეთი

2 ტოტი როზმარინი

4 კბილი ნიორი

2 ლიმონი

მარილი

შავი და თეთრი წიწაკები

დორადო კარგად გავასუფთავოთ, გავრეცხოთ.

ზეითუნის ზეთშ შევურიოთ 1 ლიმონის წვენი, მარილი, წიწაკა და კარგად წავისვათ თევზს გარედანაც და შიგნიდანაც. როზმარინით და ნივრის ნაჭრებით გამოვენოთ თევზის მუცელი. შემდეგ მოვათავსოთ დორადო გრილზე და შევწვათ ორივე მხრიდან 10-12 წუთი.

ხოლო თუ დორადოს სახლის პირობებში ამზადებთ , მაშინ ღუმელში, გრილის რეჟიმზე მომაზადეთ დაახლოებით 30-40 წუთი. ასევე, შეგიძლიათ ფოლგაშიც გამოაცხოთ

გრილზე შემწვარ დორადოს განსაკუთრებით მოუხდება ასევე გრილზე შემწვარი ბოსტნეულის გარნირი.

გემრიელად მიირთვით!