ტორტელინი ტომატის ბულიონში

მოვამზადოთ ტორტელინი კლასიკური კლასიკური იტალიური ინგრედიენტებით და ჩავალაგოთ ისინი არომატულ ბულიონში. წვიმიან, ცივ შემოდგომის დღეს სხვა რა უნდა ვინატროთ?

დაგვჭირდება:

100 გ ღორის ხორცი

100 გ ქათმის ან ინდაურის მკერდი

50 გ მორტადელა (იტალიური ცხიმიანი ძეხვი)

50 გ პროშუტო (პარმული ლორი)

1 კვერცხი

დანის წვერზე მუსკატი

მარილი

ფერადი წიწაკა

ცოტაოდენი კარაქი

100 გ დაფხვნილი პარმეზანი

1 ლ ქათმის ბულიონი (შეგიძლიათ ხორცის ან ბოსტნეულისაც გამოიყენოთ, თვენი გემოვნებით)

1 ს.კ. ტომატი

მოვამზადოთ ტორტელინის ცომი, როგორც უკვე ვისწავლეთ და სანამ ცომი ისვენებს, დავიწყოთ შიგთავსის მომზადება: სქელძირიან ტაფაზე კარაქში მოვთუშოთ ღორის ხორცი, შემდეგ ქათმის მკერდი. ცოტა რომ შეგრილდება, გავატაროთ მანქანაში ან ბლენდერში მორტადელასთან და ლორთან ერთად, დავუმატოთ კვერცხი, 50 გ პარმეზანი, მუსკატი, მარილი და წიწაკები.

გავაბრტყელოთ ცომი და ამოვჭრათ 4 სმ დიამეტრის წრეები. დავდოთ ამ წრეებზე ცოტაოდენი შიგთავსი, კიდეები დავასველოთ რძით ან კვერცხის გულით და გამოვძერწოთ ნახევარმთვერეს ფორმეის კვერები. შემდეგ კიდეები შევაერთოთ და ბუტონები გამოგვივა.

ბულიონში გავხსნათ 1 ს.კ. ტომატი, მარილი, წიწაკები, მივიყვანოთ ადუღებამდე და ჩავყაროთ ჩვენი ტორტელინი. ვხარშოთ დაბალ ცეცხლზე 3-5 წუთი.

გადავიტანოთ გამზადებული წვნიანი პორციულ თეფშებზე და მოვაყაროთ გახეხილი პარმეზანი.

გემრიელად მიირთვით!