პატარა ვაშლის ნამცხვრები

დევანდელი დესერტისთვის გემრიელი და ლამაზი ვაშლის მინი- ნამცხვრები შევარჩიეთ. ვაშლის სეზონი დიდხანს გვექნება და ჩვენც ხშირად მოვამზადებთ ხოლმე საინტერესო რეცეპტებს ვაშლით.

დაგვჭირდება:

3 კვერცხი

150 გ კარაქი

300გ შაქარი

150 მლ რძე ან დაბალი ცხიმიანობის ნაღები

300 გ ფქვილი

მწიკვი მარილი

ვანილი

1 ჩ.კ. სოდა ან გამაფხვიერებელი

1 ს.კ. ლიმონის წვენი

4 ს.კ. რომი ან კონიაკი

1კგ ვაშლი (უმჯობესია მწვანე, მაგარი ვაშლი)

შაქრის პუდრა

კარაქი და შაქარი კარაგდ ავთქვიფოთ, შემდეგ დავუმატოთ კვერცხი, ვანილი, მარილი, ნაღები, ლიმონის წვენში გახსნილი სოდა, ფქვილი და რომი. კარგად ავურიოთ ყველა ინგრედიენტი.

მოვამზადოთ ფორმები: მომცრო ზომის ფორმებში (მაფინების მრგვალი ფორმაც გამოდგება) ჩავაფინოთ საცხობი ქაღალდი, შემდეგ გადავიტანოთ ცომი ისე, რომ 3/4 აივსოს დადავალაგოთ ზევიდან თხლად დაჭრილი ვაშლი.

გამოვაცხოთ 180 გრადუსამდე გახურებულ ღუმელში დაახლოებით 40 წუთი. გაგრილებულ ნამცხვარს უხვად მოვაყაროთ შაქრის პუდრა.

გემრიელად მიირთვით!