ლაიმის ჩიზქეიქი ცხობის გარეშე

ამ სეზონზე ლიმონი და ლაიმი უხვად გავქს თან ახლა ფასიც მისაღებია. ვისარგებლოთ ამით და მოვამზადოთ ძალიან გემრიელი და მარტივი პორციული ჩიზქეიქი, რომელსაც არ დაჭირდება გამოცხობა.

დაგვჭირდება:

500 გ ორცხობილა (ნებისმიერი, ნეიტრალური გემოს მშრალი ორცხობილა)

100 გ კარაქი

500 გ კრემჩიზი

250 გ მაღალცხიმანი ნაღები

1 ლიმონის და 2 ლაიმის ცედრა და წვენი

150 გ შაქარი

ვანილი

2 ს.კ. ჟელატინი

ორცხობილა დავფშვნათ, დავუმატოთ 1 აიმის წვენი და ცედრა და კარგად ავურიოთ კარაქთან ერთად.

ეს მასა გავანაწილოთ პორციულ ფორმებში ისე, რომ შეავსოს ფორმის 1/3. ცოტა დავტკეპნოთ და შევდოთ ფორმები მაცივარში.

ჟელატინი გავხსნათ დარჩენილი ლიმონის და ლაიმის წვენში. დავდგათ დაბალ ცეცხლზე და ვურიოთ, სანამ ჟელატინი არ გალღვება სრულად.

შაქარი და ცედრა კარგად ავსრისოთ ერთად, დავუმატოთ კრემჩიზი და ავთქვიფოთ. შემდეგ დავუმატოთ ნაღები და ვანილი. გადავწუროთ ჟელატინი თხელ საცერში და ისიც დავუმატოთ კრემჩიზს. ფრთხილად მოვურიოთ.

თანაბრად გადავანაწილოთ ეს მასა გაციებულ ძირზე და შევდოთ ისევ მაცივარში მინიმუმ 2-3 საათით. ზევიდან მოვრთოთ ათქვეფილი ნაღებით, ლაიმის ნაღრებით და ცოტაოდენი ორცხობილათი.

გემრიელად მიირთვით!