ელზასური ვაშლის ნამცხვარი

ვაშილის სეზონიც მოსულა. ეს არაჩვეულებრივი, სასარგებლო და კეთილშობილი ხილი განსაკუთებით გემრიელია მარტივ ნამცხვრებში.

ჩვენ განებივრებულები ვართ ვაშლის სიუხვით მთელი შემოდგომა და ზამთარი, ამიტომ ვაშლის ნამცხვრების რეცეპტების მთელი კოლექცია გვაქვს. ნელ-ნელა ყველას მოვამზადებთ თქვენთან ერთად.

ჩვენი დღევანდელი მსუბუქი, არომატული და ძალიან გემრიელი ნამცხვრის რეცეპტი ევროპელებისგან ვისესხეთ. ის საკმაოდ პოპულარულია გერმანიაშიც და საფრანგეთშიც.

ცომისთის დაგჭირდება:

125 გ კარაქი

1 კვერცხი

100 გ შაქარი

2 ჭიქა ფქვილი

0,5 ჩ. კ. სოდა

1 ს. კ. ლიმონის წვენი

შიგთავსისთვის დაგვჭირდება:

5 მაგარი მწვანე ვაშლი

2 ჭიქა ვაშლის სიდრი

1 ჭიქა შაქარი

1 ს.კ. სახამებელი

ვანილი

1 ჩ.კ. დარიჩინი (შეგიძლიათ არ დაამატოთ და ამ შემთხვევაში ნამცხვარს უფრო გამოკვეთილი ვანილის არომატი ექნება)

2 ს.კ. საფანელი

ფქვილი მოვათავსოთ ჯამში, შევურიოთ შაქარი, ლიმონის წვენში გახსნილი სოდა, ჩავჭრათ ცივი კარაქი და ჩავახალოთ ერთი კვერცხი. მოვზილოთ ცომი, გადავახვიოთ პლასტიკში და შევინახოთ მაცივარში 1 საათით.

ვაშლი გავთალოთ, ამოვაცალოთ გული და დავჭრათ თხლად. შევურიოთ ვანილი და დარიჩინი.

ვაშლის სიდრს დავუმატოთ შაქარი და მივიყვანოთ ადუღებამდე. რომ შეგრილდება, გავხსნათ ამ მასაში სახამებელი.

გავაბრტყელოთ ცომი, ჩავაფინოთ ფორმაში, დავჩხვლიტოთ ჩანგლით და მოვაყაროთ საფანელი. ზევიდან დავალაგოთ ლამაზად ვაშლი, შემდეგ კი მოვასხათ ვაშლის სიდრის ნახზავი.

გამვაცხოთ 180 გრადუსამდე გახურებულ ღუმელში დაახლოებით ერთი საათი.

ნამცხვარს ძალინ უხდება კრემი შანტილი ან ნაყინი.

გემრიელად მიირთვით!