ბადრიჯანი მაწვნის საკმაზით

დღეს მოვამზადებთ ბადრიჯანს მსუბუქი მაწვნის საკმაზით.

დაგვჭირდება:

4 საშუალო ზომის ბადრიჯანი

2-3 ს.კ. ზეთი

პატარა კონა ქინძი1 ქილა მაწონი

2-3 კბილი ნიორი

დანის წვერზე-დარიჩინი

მარილი

შავი წიწაკა

1 ბროწეული

ბადრიჯანი გავრეცხოთ, გავჭრათ შუაზე და მოვაყაროთ მარილი. გავაჩეროთ ასე 1-2 საათი, შემდეგ გავწუროთ, დავალაგოთ ცეცხლგამძლე ფორმაზე, მოვასხათ ზეთი და შევდოთ 180 გრადუსამდე გახურებულ ღუმელში გამოსაცხობათ დაახლოებით 1 საათით. ბადრიჯანი უნდა დარბილდეს.

ნიორი დავნაყოთ ან დავაბლენდეროთ, შევურიოთ მაწონს, დავუმატოთ დარიჩინი. ბადრიჯანს გადავუსვათ წვრილად დაჭრილი ქინძი მარილი და წიწაკა, ზევიდან მოვასხათ მაწვნის სოუსი და მოვაყაროთ ბროწეულის მარცვლები.

გემრიელად მიირთვით!