ტკბილი კარტოფილის და სტაფილოს წვნიანი

ახალი წლის დღესასწაულის შემდეგ ალბათ ყველას ცოტა განტვირთვა არ გვაწყენდა. ჰოდა დღეს გემრიელი დასასარგებლო განტვირთვა მოვუწყოთ ჩვენ ორგანიზმს.

დაგვჭირდება:

2 სტაფილო

2 ტკბილი კარტოფილი

1 თავი ხახვი

3-4 კბილი ნიორი

1 ს.კ. გახეხილი ჯინჯერი

პატარა კონა ქინძი

დანის წვერზე ქარის პასტა ან ფხვნილი

1 ლაიმი

2 ს.კ. ნაღები

მარილიშავი წიწაკა

3 ს.კ. ზეითუნის ზეთი

2 ს.კ. ნუში ან თხილი (სურვილისამებრ)

ხახვი წვრილად დავჭრათ და მოვთუშოთ ზეთში, შემდეგ დავუმატოთ წვრილად დაჭრილი სტაფილო, ცოტა ერთად მოვთუშოთ, შემდეგ დავუმატოთ დაჭყლეტილი ნიორი, გახეხილი ჯინჯერი, ქარის პასტა და კარგად ამოვურიოთ. ჩავყაროთ კუბებად დაჭრილი კარტოფილი, დავასხათ წყალი ისე, რომ კარგად ფარავდეს ბოსტნეულს და ვადუღთ, სანამ კარტოფილი არ მოიხარშება.

ამის შემდეგ დავუმატოთ წვნიანს ნაღები, მარილი, წიწაკა და დავაბლენდეროთ.

ბოლოს მოვაყაროთ სუპს დაჭრილი ქინძი და ცოტაოდენი მოხალული ნუში, ცავწუროთ ლაიმი.

გემრიელად მიირთვით!