ხაჭოს მაჭკატები ქიშმიშით

დიდი ხანია საუზმეზე მაჭკატები არ გვქონია. დღეისთვის ქიშმიშიანი მაჭკატების რეცეპტი ამოვარჩიეთ. თან არაჟნის და თაფლის სოუსსაც მოვამზადებთ.

დაგვჭირდება:

2 კვერცხი

500 გ ხაჭო

მწიკვი მარილი

5 ს.კ. შაქარი

1 ჭიქა ფქვილი

ვანილი

3 ს.კ. ქიშმიში

ცალკე:

3 ს.კ. არაჟანი

3 ს.კ. თაფლი

შაქარი და კვერცხი გავთქვიფოთ, დავუმატოთ მწიკვი მარილი, ხაჭო, ვანილი, ფქვილი და ქიშმიში. კარგად მოვურიოთ და შევდოთ 1 საათით მაცივარში.

ამის შემდეგ ცომი გავაბრტყელოთ დაახლოებით 1 სმ სისქემდე, გამოვჭრათ რგოლები, ამოვავლოთ ფქვილში და შევწვათ ორივე მხრიდან კარაქში, სქელძირიან ტაფაზე.

არაჟანი და თაფლი შევურიოთ ერთმანეთ და შევათბოთ ტაფაზე.მოვასხათ ეს სოუსი მაჭკატებს.

გემრიელად მიირთვით!