მაჭკატები შოკოლადის შიგთავსით

ყველიერის კვირა გვაქვს, ჰოდა ბავშვებს განსაკუთრებული სიურპრიზი ელით. საუზმისთვის მოვამზადებთ მაჭკატებს ნუტელას შიგთავსით და მერწმუნეთ, ეს მათი ერთ-ერთი უსაყვარლესი საუზმე იქნება.

დაგვჭრდება:

200 გ ხაჭო

1 კვერცხი

50-100 გ ფქვილი

მწიკვი მარილი

ვანილი

ზეთი

ნუტელა ან 1 ფილა შოკოლადი

ხაჭო და კვერცხი კარგად ავთქვიფოთ, დავუმატოთ მარილი, ვანილი და ფქვილი. კარგად მოვურიოთ.

გახურებულ ტაფას მოვასხათ ზეთი, შემდეგ სუფრის კოვზით დავდოთ პატარა მაჭკატები, ზევიდან დავადოთ შოკოლადის ნატეხი ან 1 ჩ.კ. ნუტელა და შემდეგ ისევ სუფრის კოვზით ცომი. შოკოლადი უნდა "ჩაიძიროს" ცომში. დავაფაროთ ტაფას თავსახური და შევწვათ მაჭკატები ორივე მხრიდან.

გემრიელად მიირთვით!