რაგუ ფინ

რაგუ ფინ( ragoût fin- ფრანგულად დახვეწილი რაგუ) —გერმანული კლასიკური სამზარეულოს ცნობილი კერძია, განსაკუთრებით პოპულარული ბერლინში. ეს გახლავთ თეთრი ხორცის (მეტწილად ხბოს ხორცის, თუმცა ხანდახან ქათმის ან ინდაურის ხორცსაც იყენებენ) რაგუ თეთრ სოუსში.

დაგვჭრდება:

750 გ ხბოს ხორცი

2 ჭიქა ქათმის ბულიონი

100 გ შამპინიონი

2 ს.კ. ფქვილი

2 ს.კ. მყარი ყველი (პარმეზანი, პეკორინო ან სხვა, თქვენი გემოვნებით)

1 ლიმონის წვენი 3 ჭიქა თეთრი მშრალი ღვინო

0,5 ჭიქა ვორჩესტერის სოუსი

შავი წიწაკა

მარილი

30 გ კარაქი

კარგად გავრეცხოთ ხორცი და დავჭრათ მომცრო ზომის კუბებად. მოვთუშოთ ხორცი კარაქში, საშუალო ცეცხლზე, დაახლოებით 15 წუთი.

ცალკე, სქელძირიან ტაფაზე გავალღვოთ 2 ს.კ. კარაქი, დავუმატოთ ფქვილი და კარგად მოვურიოთ. შემდეგ ფრთხილად დავუმატოთ ქათმის ბულიონი, კარგად ვურიოთ, ფქვილი და კარაქი ბოლომდე რომ გაიხსნას და ერთი 5 წუთი ვთუშოთ.

შემდეგ ჩავდოთ ამ სოუსში თხლად დაჭრილი შამპინიონი, მობრაწული ხორცი და ერთად ვთუშოთ ერთი 5 წუთი კიდე. დავუმატოთ 1 ჩ.კ. ლიმონის წვენი, ღვინო, მარილი, წიწაკა, მოვურიოთ და გავაგრძელოთ მოთუშვა. ერთ 5 წუთში გადავიტანოთ ხორცი და სოკო ცეცხლგამძლე ფორმაში, მოვაყაროთ გახეხილი ყველი და შევდოთ 180 გრადუსამდე გახურებულ ღუმელში ერთი 15-20 წუთით.

გამზადებულ რაგუს მოვასხათ დარჩენილი ლიმონის წვენი და ვორჩესტერის სოუსი.

რაგუ ფინ შეგვიძლია მოვამზადოთ პორციულ ფრმებშიც.

გემრიელად მიირთვით!