ჩინური კომბოსტოს სალათი ქათმით

რადგან დღეს ქათამი გვაქვს პროგრამაში, საღამოსთვისაც ეს მსუბუქი და გემრიელი ქათმის სალათი შევარჩიეთ.

დაგვჭირდება:

1 თავი ჩინური კომბოსტო

2 კიტრი

2 ქათმის ფილე

2 კვერცხი

1 კონა მწვანე ხახვი

2 მოზარდილი ნაჭერი თეთრი პური (ბაგეტი ან ფრანგული ბატონი)

2-3 ს.კ. გახეხილი პარმეზანი

150 გ შინაური მაიონეზი

მარილი

შავი წიწაკა

ქათმის ფილეს მოვაყაროთ მარილი და წიწაკა და შევწვათ ზეთში და კარაქში. შემდეგ ცოტა შევაგრილოთ და დავჭრათ სასურველ ნაჭრებად.

პური დავჭრათ კუბებად და გავაშროთ ღუმელშ, ისე, რომ ხრატუნა ორცხობილები გამოგვივიდეს.

ცინური კომბოსტო დავანაწევროთ, მოვათავსოთ სალთის თეფშზე და მოვასხათ ცოტაოდენი მაიონეზი. მოვაყაროთ წვრილად დაჭრილი მწვანე ხახვი, ცოტაოდენი მარილი და წიწაკა. მოვაყაროთ ქათმის ფილე, შემდეგ წვრილად დაჭრლი კიტრი, მოხარშული კვერცხი და ისევ მოვასხათ მაიონეზი. ბოლოს მოვაყაროთ ორცხობილები და გახეხილი პარმეზანი.

გემრიელად მიირთვით!