რუკოლას სალათი გოგრით და პომიდორი ჩერით

საღამოსთვის მსუბუქი და გემრიელი სალათი მოვამზადოთ.

დაგვჭირდება:

500 გ გოგრა

300 გ პომიდორი ჩერი

1 მოზრდილი კონა რუკოლა

პატარა კონა მწვანე ხახვი

პატარა კონა ქინძი

3-4 ს.კ. ზეითუნის ზეთი

2 ს.კ. ბალზამიკო

მარილი

წიწაკების მიქსი

გოგრა გამოვშიგნოთ, დავჭრათ მომცრო ზომის კუბებად, მოვაყაროთ მარილი და წიწაკები, მოვასხათ ზეითუნის ზეთი და გამოვაცხოთ 200 გრადუსამდე გახურებულ ღუმელში ერთი 15-20 წუთი, გოგრის თითქმის მზადყოფნამდე. ამის შემდეგ, მივულაგოთ გოგრას პომიდორი ჩერი, მოვაყაროთ დაჭრილი მწვანე ხახვი და გამოვაცხოთ კიდე ერთი 10 წუთი.

ბოსტნეული გადმოვიტანოთ ჯამში, დავუმატოთ რუკოლა, მოვასხათ დარჩენილი ზეთი და ბალზამიკო და ფრთხილად მოვურიოთ.

გემრიელად მიირთვით!