ბოსტნეულის რაგუ ყაბახით და ტკბილი წიწაკით

არც დრეს ვტოვებთ უყურადღებოდ ჩვენ ვეგეტარიანელ მეგობრებს და მათთვის გემრიელ და მარტივ ბოსტნეულის რაგუს რეცეპტს ვაზირებთ.

დაგვჭირდება:

3 საშუალო ცუკინი

4 კარტოფილი

2 წითელი ბულგარული

2 სტაფილო

2 პომიდორი

1-2 თავი ხახვი

2-3 კბილი ნიორი

1 კონა ქიძი

1 კონა ოხარახუში

1 კონა შაშკვლავი ან ბაზილიკი (ან 0,5 ჩ.კ. ხმელი)

ზეითუნის ზეთი

მარილი

შავი წიწაკა

ბოსტნეული დავჭრათ კუბებად. ზეითუნის ზეთში ტაფაზე მოვთუშოთ ხახვი, შემდეგ დავუმატოთ კარტოფილი და სტაფილო, ერთ 10 წუთში- ბულგარული,პომიდორი და კიდე ერთი 5 წუთი ვთუშოთ.

ამის შემდეგ ზევიდან დავაყაროთ ცუკინი, აღარ მოვურიოთ, დავაფაროთ თავსახური და ვთუშოთ ასე ერთი 15-20 წუთი, კარტოფილის მზადყოფნამდე.

ამის შემდეგ, გამოვრთოთ ქურა, მოვაყაროთ წვრილად დაჭრილი მწვანილი და დაჭყლეტილი ნიორი, მარილი, შავი წიწაკა და კარგად მოვურიოთ ჩვენ რაგუს.

გემრიელად მიირთვით!