ფრიტატა სატაცურით და პომიდორი ჩერით

დილა მშვიდბისა!

დიდი ხანია არ მოგვიმზადებილა განსაკუთრებული საუზმე კვერცხით. დღეს ამ შეცდომას გამოვასწორებთ და ისევ სატაცურის დახმარებით მარტივ და ძალიან გემრიელ საუზმეს შევქმნით. გემრიელი საუზმე ხომ წარმატებული დღის დასაწყისია!

დაგვჭირდება:

6 კვერცხი

12-14 ღერი სატაცური

1 ტკბილი წითელი წიწაკა

10-12 ცალი პომიდორი ჩერი

100 გ პარმეზანი

20-30 გ კარაქი

მარილი

თეთრი წიწაკა

კვერცხი ავთქვიფოთ მარილთან, წიწაკასთან და გახეხილ პარმეზანთან ერთად.

საცხობ ფორმაშ კარგად გამოვუსვათ კარაქი და ჩავასხათ ათქვეფილი კვერცხი. შემდეგ გავანაწილოთ სატაცური, შუაზე გაჭრილი პომიდორი ჩერი, თხლად დაჭრილი ბულგარული და შევდოთ 10-12 წუთით 180 გრადუსამდე გახურებულ ღუმელში გამოსაცხობად.

გემრიელად მირთვით!