ინდაურის ხორცი ახალი კარტოფილით და წითელი ბულგარული წიწაკით

დაგვჭირდება:

1 კგ ინდაურის ფილე

1 კგ ახალი კარტოფილი

2 წითელი ბულგარული

5 კბილი ნიორი

პროვანსული სუნელების ნაკრები

მარილი

წიწაკების მიქსი

2 ს.კ. ზეთი

20 გ კარაქი

ხორცი დავჭრათ სასურველ ზომაზე, მოვათავსოთ საცხობ ფორმაზე (ფორმას მოვასხათ ცოტაოდენი ზეთი), მივულაგოთ კარტოფილი, მოვაყაროთ წიწაკები, მარილი, პროვანსული სუნელები, მოვასხათ კიდე ცოტაოდენი ზეთი და ალაგალაგ ჩავამატოთ კარაქის პატარ-პატარა ნაჭრები. იქვე ჩავალაგოთ ნივრის მთელ-მთელი ლებნები.

შევდოთ 170 გრადუსამდე გახურებულ ღუმელში ერთი 30 წუთით, შემდეგ კი დავამატოთ მსხვილად დაჭრილი ბულგარული და შევდოთ კიდე ერთი 10-15 წუთით ღუმელში.

გემრიელად მიირთვით!