ტარტი საფერავით და მოცხარით

კიდე ერთი საზაფხულო ტარტის რეცეპტი ძალიან ქართული ხასიათით. ჩვენი ქართული საფერავი ისეთი ღვინოა, რომ ასეთ დახვეწილ და მსუბუქ ნამცხვრებსაც ძალიან უხდება და მათ კიდე უფრო საინტერესოს ხდის.

ცომისთვის დაგვჭირდება: 250 გრ ფქვილი მწიკვი მარილი 2 ს.კ. შაქარი 2 კვერცხის გული 125 გრ დარბილებული კარაქი გულისთვის დაგვჭირდება: 200 გ წითელი და შავი მოცხარი ან მოცვი

200 მლ საფერავი

200 მლ წითელი მოცხარის წვენი

100 მლ მოცხარის ლიქიორი Creme de Cassis

1ლიმონის ან ფორთოხლის ცედრა

ნახევარი ლიმონის წვენი

6 კვერცხი

2 ს.კ. შაქარი

1 ს.კ. სახამებელი

50 გ კარაქი

1-2 დარიჩინის ჩხირი

2 მიხაკის ბუტონი

ვანილი

დავყაროთ ფქვილი სუფთა დაფაზე, შუაგულში ჩავაყაროთ მარილი, შაქარი, კვერცხი და კარაქი. ხელით მოვზილოთ ცომი. როგორც კი შეკვრას დაიწყებს, მოვასხათ ცივი წყალი და გავაგრძელოთ ზელვა მანამდე, სანამ არ მივიღებთ ერთგვაროვან მასას. დავაგუნდავოთ ცომი, გავახვიოთ ცელოფანში და შევდოთ მაცივარში 45 წუთით. შემდეგ გამოვიღოთ, გავაბრტყელოთ. საცხობ ფორმას მოვუსვათ ცოტაოდენი კარაქი, მოვაყაროთ ოდნავ ფქვილი და ჩავაფინოთ ცომი. ცომი დავჩხვლიტოთ ჩანგლით, თანაბრად რომ გამოცხვეს. ვაცხობთ 15 წუთი 180 გრადუსზე.

ამასობაში საფერავს, მოცხარის წვენს, ლიქორს და ლიმონის წვენს დავუმატოთ მიხაკი და დარიჩინი, ლიმონის ცედრა და მივიყვანოთ ადუღებამდე. მდუღარე მასა დავასხათ მოცხარს და გავჩეროთ ასე 2 საათი. ცოტა დავჭყლიტოთ და გადავწუროთ.

ცალკე ავთქვიფოთ კვერცხი და შაქარი,დავუმატოთ კარაქი, ვანილი, სახამებელი და გადაწურული მოცხარის მასა. კარგად მოვურიოთ, დავასხათ გამზადებულ ტარტის ძირს და გამოვაცხოთ ერთი 30წუთი 160 გრადუსამდე გახურებულ ღუმელში.

გაგრილებულ ნამცხვარს მოვაყაროთ შაქრის პუდრა და მოვრთოთ მოცხარით

გემრიელად მიირთვით!