მოცვის და ლიმონის ქაფქეიქები შვეიცარული მერენგით

კვირის ბოლოსთვის განსაკუთრებულად გემრიელი რეცეპტები შემვინახეთ. დილას ამ გემრიელი ქაფქეიქებით დავიწყებთ. მარტივი მოსამზადებელია და თან კარგად მოხუფულ ჭურჭლში რამდენიმე დღე მშვენივრად ინახება, ასე რომ ნუ დაიზარებთ და მოამზადეთ ჩვენთან ერთად.

დაგვჭრდება:

2 კვერცხი

250 გ შაქარი

150 გ კარაქი

200 მლ რძე

350 გ ფქვილი

მწიკვი მარილი

ვანილი

1 ჩ.კ. სოდა

1 ლიმონის წვენი და ცედრა

150-200 გ მოცვი

კრემისთვის დაგვჭრდება:

4 კვერცხის ცილა

200 გ შაქარი

180 გ კარაქი

ვანილი

დარბილებული კარაქი და შაქარი კარგად ავთქვიფოთ, დავუმატოთ კვერცხი, ვანილი, ცედრა, მწიკვი მარილი, რძე, ლიმონის წვენში გახსნილი სოდა და ფქვილი. კარგად მოვურიოთ, შემდეგ დავუმატოთ მოცვი და კიდე ფრთხილად მოვურიოთ. 12 საშუალო ზომის მაფინის ფორმას კარგად წავუსვათ კარაქი, შემდეგ გადავიტანოთ ცომი ისე, რომ ფრომის 3/4 შეავსოს და შევდოთ 200 გრადუსამდე გახურებულ ღუმელში დაახლოებით 25 წუთით.

სანამ მაფინები გაგრილდება, მოვამზადოთ კრემი: ცილა და შაქარი მიქსერს დაბალ სიჩქარეზე ავთქვიფოთ ორთქლზე. როცა მასა შეთბება და შაქარი სრულად გადნება, გადმოვდგათ და გავაგრძელოთ თქვეფა მაქსიმალურ სიჩქარეზე. უნდა მივიღოთ მკვრივი ბეზეს მასა. ამის შემდეგ, ისევ დავუწიოთ მიქსერს მინიმუმამდე და ნელ-ნელა დავუმატოთ დარბილებული კარაქი. კარგად ავთქვიფოთ კრემი და ბოლოს დავუმატოთ ვანილი.

გა გრილებული ქაფქეიქები მოვრთოთ კრემით და ხილით.

გემრიელად მიირთვით!