მსხლის ნამცხვრი ნუშით და თაფლით

დაგვჭირდება:

3 კვერცხი

30 გ კარაქი

30 მლ ზეითუნის ზეთი

100 მლ თაფლი

2 ს.კ. ყავისფერი შაქარი

0,5 ჩ.კ. ნუშის ექსტრაქტი

2-3 მსხალი

1 ჩ.კ. დარიჩინი

სოდა ძმრით

მწიკვი მარილი

250 გ ნუშის ფქვილი

50 გ ფქვილი

2 ს.კ. დანაწევრებული ნუში

კვერცხის ცილა კარგად ავთქვიფოთ და გადავდოთ. ცალკე ავთქვიფოთ გულები, დავუმატოთ თაფლი, ზეთი და დარბილებული კარაქი. დავუმატოთ ნუშის ექსტრაქტი, სოდა ძმრით, მწიკვი მარილი.

მსხვალი გავხეხოთ მსხვილ სახეხზე, მოვაყაროთ შაქარი,დარიჩინი და მოვურიოთ. შევურიოთ ცომს. შემდეგ შევურიოთ ფქვილი, ნუშის ფქვილი, ბოლოს კი ფრთხილად შევურიოთ ათქვეფილი ცილა,

გადავიტანოთ საცხობ ფორმაში და მოვაყაროთ დანაწევრებული ნუში.

ვაცხობთ 160 გრადუსამდე გახურებულ ღუმელში დაახლოებით 1 საათი.

გემრიელად მიირთვით!