ავოკადოს და მსხლის სალათი

დაგვჭირდება:

1 კონა რუკოლა

3-4 ღერი პიტნა

1 ავოკადო

2 მკვრივი მსხალი

100 გ ყველი როქფორი

50 გ პარმეზანი

100 გ ნიგოზი

1 ს.კ. თაფლი

2 ს.კ. ზეითუნის ზეთი

ნახევარი ლიმონის წვენი

წიწაკების მიქსი

მარილი

ნიგოზი მსხვილად დავანაწევროთ და ოდნავ მოვხალოთ, შემდეგ დავუმატოთ თაფლი და მოვთუშოთ ერთად. გავაგრილოთ.

ავოკადო და მსხვალი თხლად დავჭრათ და ჩავაწყოთ ლიმონის წვენში, ფერი რომ არ შეიცვალოს.

რუკოლას დავუმატოთ პიტნის ფოთლები, ავოკადო და მსხალი, შემდეგ დაფშვნილი როქფორი და თაფლში კარამელიზებული ნიგოზი.

ლიმონის წვენს დავუმატოთ ზეითუნის ზეთი, წიწაკების მიქსი და მარილი და მოვასხათ ეს დრესინგი სალათს, ზევიდან კი მოვაყაროთ თხლად დათლილი პარმეზანი.

გემრიელად მიირთვით!

.