ვაშლის ღვეზელი პეკანით და ქიშმიშით

ცომისთვის დაგვჭირდება:

450 გ ფქვილი

300 გ კარაქი

0,5 ჩ.კ. მარილი

150 მლ ცივი წყალი

შიგთავსისთვის:

5-6 მაგარი ვაშლი

2 ს.კ. სახამებელი

1 ს.კ. ფქვილი

150 გ ყავისფერი შაქარი

ნახევრი ლიმონის წვენი

50 გ კარაქი

50 გ ქიშმიში

50 გ პეკანი

0,5 ჩ.კ. დარიჩინი

50 მლ რომი ან კონიაკი

ცალკე;

1 კვერცხის გული

1 ს.კ. არაჟანი

სიმარტივისთვის შეგვიძლია გამოვიყენოთ მზა ფენოვანი ცომი, ან მოვამზადოთ თავად: ფქვილი და კარაქი ავკეპოთ, დავუმატოთ მარილი და ძალიან ცივი წყალი. კარგად მოვზილოთ ცომი და შევდოთ მაცივარში, მინიმუმ 2 საათით.

ამასობაში, ქიშმიში ჩავალბოთ კონიაკში ან რომში. დავტოვოთ ასე 1-2 საათით (ან თუნდაც მთელი ღამით).

პეკანი ოდნავ მოვხალოთ.

ვაშლი გავთალოთ და დავჭრათ თხლად, მოვასხათ ლიმონის წვენი.

კარაქში ოდნავ მოვთუშოთ ქიშმიში და პეკანი.

შაქარი და დარჩინი შევურიოთ ერთმანეთს, დავუმატოთ ფქვილი და სახამებელი.

ვაშლი, ქიშმიში, პეკანი და შაქრის მასა შევურიოთ ერთმანეთს.

გამზადებული ცომის 2/3 გავაბრტყელოთ და ჩავაფინოთ საცხობ ფორმაში ისე, რომ კიდეები გადმოვიდეს ფორმიდან. ცომზე გავანაწილოთ შიგთავსი. დარჩენილი ცომი გავაბრტყელოთ და დავჭრათ ლენტებად. გადავაფაროთ შიგთავსს და დავწნათ ბადესავით. კიდეები ამოვუკეცოთ და დავამაგროთ.

ნამცხვარს ზევიდან გადავუსვათ ათქვეფილი არაჟანი და კვრცხის გული. შევდოთ 180 გრადუსამდე გახურებულ ღუმელში დაახლოებით 45 წუთით.

გამომცხვარ, გაგრილებულ ვაშლის ნამცხვარს მოვაყაროთ შაქრის პუდრა.

მიირთვით ნაყინთან ან ათქვეფილ ნაღებთან ერთად!