რუკოლას სალათი მსხლით და პარმეზანით

დაგვჭირდება:

1 კონა რუკოლა

2 არომატული მაგარი მსხალი

50 გ ყველი პარმეზანი

50 გ ნიგოზი

ნახევარი ლიმონის წვენი

1 ჩ.კ. დიჟონის მდოგვი

2 ს.კ. ზეითუნის ზეთი

ზღვის მარილი

შავი წიწაკა

ნახევარი ჩ.კ. ყავისფერი შაქარი

მსხვილად დავანაწევროთ ნიგოზი და მოვხალოთ.

მოვამზადოთ დრესინგი: ლიმონის წვენი, ზეითუნის ზეთი, მდოგვი, მარილი, წიწაკა და შაქარი ავთქვიფოთ კარგად. ჩავდოთ ამ სოუსში თხლად დაჭრილი მსხალი.

რუკოლა გავრეცხოთ და გავაშროთ. შევურიოთ სალათს მსხალი, მოვაყაროთ მოხალული ნიგოზი და დათლილი პარმეზანი. დარჩენილი დრესინგი მოვასხათ სალათს.

გემრიელად მიირთვით!